Google ADS

Berlusconi i dhuron 10 milionë euro për krijimin e njësive të kujdesit intensiv

19:08 | 17 Mars 2020
A. B.

Ish-presidenti i Milanit dhe ish-kryeministri i Italisë, Silvio Berlusconi, ia ka dhuruar 10 milionë euro rajonit të Lombardisë për krijimin e 400 njësive të përkohshme të kujdesit intensiv, pas pandemisë së koronavirusit.

Lombardia është rajoni më i goditur nga koronavirusi në Itali dhe Evropë, pasi e përbën epiqendrën e kësaj sëmundjeje ngjitëse jashtë Kinës, transmeton Gazeta Express.

Mbi 2.100 njerëz kanë vdekur në Itali si pasojë e koronavirusit, ndërsa 1.851 të tjerë janë në kujdes intensiv.

Nga 2.158 të vdekurit në Itali nga koronavirusi, 1.420 prej tyre ishin në Lombardi.

Ky rajon ka mungesë të shtretërve për trajtimin e të gjithë të prekurve nga virusi, prandaj Berlusconi ka vendosur të ofrojë një ndihmë kaq të madhe.

Ai i dhuroi 10 milionë euro për të ndihmuar në krijimin e njësive të reja dhe përkohshme të kujdesit intensiv në Fiera di Milano.

Shpërndaje në rrjete sociale

Lajmet më të lexuara

Të ngjashme

Foto lajm